காது வலி எந்தெந்த காரணங்களால் ஏற்படுகிறது ?

காது வலிக்கான கரணங்கள்:

1 .சிலர் பொழுபோக்கிற்காக தண்ணீரில் நீண்ட நேரம் ‌விளையாடுவதாலு‌ம், கடல் நீ‌ரில் குளிப்பதாலும் காதில் நோய்தொற்று ஏற்பட்டு ,அது நடுச்செவிக்குழல் மூலம் காதுக்குள் சென்று கடுமையான காது வலியை ஏற்படுத்தும்.
2 .மூக்கின் பின் பகுதியில் இருந்து காதுப் பகுதிக்குச் செல்லுகின்ற குழாயில் அடைப்புகள் ஏற்படுவதால் ,அதில் நோய்த் தொற்றுக்கள் ஏற்படுகின்றன. இதனால் காது வலியானது ஏற்படுகிறது .
3 .நம் தொண்டையில் ஏற்படும் அழற்சியின் காரணமாகவும் காது வலி ஏற்படும்.
4 .சளியும் ,மூக்கடைப்பும் ஒரே நேரத்தில் அதிகமாகும் போது,மூக்கு அடைப்பை போக்க,வேகமாக மூக்கு சீந்துவது காது வலியை உண்டாக்கும்.
5 .சைனஸ், டான்சில் மற்றும் தாடைப் பகுதியில் உள்ள எலும்புகளில் ஏதேனும் பிரச்சினை ஏற்பட்டிருந்தாலும் ,அது காது வலியை உண்டாக்கும்.
6.கழுத்துப் பகுதியில் உள்ள எலும்புகளில் தேய்மானம் மற்றும் நாக்கு, வாய்களில் புண்கள் ஏற்படுவது போன்ற காரணங்களாலும் காது வலி உண்டாகும்.
7 .காதில் ஏற்படும் நோய்கிருமிகளின் தாக்கம் மற்றும் விளைவினாலும் கூட காது வலி உண்டாகும்.