கோவிட்-19 (Corona Virus) மற்றும் காது கேளாமை

உலகம் முழுவதும் கொரோனாவின் இரண்டாவது அலையை தற்போது எதிர்நோக்கி வருகிறது.கடந்த ஆண்டு பரவத் தொடங்கிய கொரோனாவின் முதல் அலையை காட்டிலும்,இரண்டாவது அலை அதி தீவிரமாக பரவி வருகிறது.இதனைத் தொடர்ந்து அனைத்து நாடுகளும் முன்னெச்சரிக்கை நடவடிக்கைகளை தீவிரப்படுத்தி வருகிறது,மேலும் கொரோனா தொற்றுக்கான தடுப்பூசியை உற்பத்தி செய்வதில் தீவிரம் காட்டி வருகிறது.

தற்போது பரவி வரும் கொரோனா வைரஸ், சில நோயாளிகளுக்கு ஆரம்ப அறிகுறியாக திடீர் நிரந்தர செவிப்புலன் இழப்பை ஏற்படுத்தக்கூடும் என தெரிவிக்கப்பட்டுள்ளது.மேலும், இன்டர்நேஷனல் ஜர்னல் ஆஃப் ஆடியோலஜியில் வெளியிடப்பட்ட புதிய ஆய்வின்படி, கொரோனா தொற்று பாதித்த நோயாளிகளில் 8 சதவீதம் பேருக்கு காது கேளாமை இருப்பதாக தெரிவித்துள்ளது.

புதிய வகை கொரோனா வைரஸ் தற்போது அதிவேகமாக பரவி வருவதால்,அந்நோயின் அறிகுறியின் பன்முகத்தன்மையும் தெளிவாகத் தெரிகிறது.இதில் காது கேளாமை முதல் வறண்ட வாய் வரை உள்ள அறிகுறிகள் கண்டறியப்பட்டுள்ளன.மேலும்,சில அசாதாரண அறிகுறிகளில் கான்ஜுண்ட்டிவிடிஸ் (பிங்க் கண்), செவித்திறன் குறைதல், காது வலி மற்றும் இரைப்பை குடல் கோளாறுகள் போன்ற அறிகுறிகள் அடங்கியுள்ளன.