உயர் அதிர்வெண் கேட்கும் இழப்பு என்றால் என்ன ?

அதிக அதிர்வெண் கேட்கும் இழப்பானது காக்லியாவில் (உள் காது) உள்ள சிறிய முடி போன்ற உணர்ச்சி கேட்கும் செல்கள்(ஸ்டீரியோசிலியா) சேதமடையும் போது ஏற்படுகிறது .

ஸ்டீரியோசிலியா என அழைக்கப்படும் இந்த முடி செல்கள், காதுகள் கேட்கும் ஒலிகளை மின் தூண்டுதல்களாக மாற்ற உதவுகின்றன.பின்னர் இந்த ஒலிகள் மூளையை சென்றடைந்து காது உணர்ச்சியை தூண்டுகிறது .

உயர் அதிர்வெண் கேட்கும் இழப்பு எந்த வயதினரையும் பாதிக்கும் தன்மை கொண்டது .மேலும் ,வயது தொடர்பான செவித்திறன் இழப்பு கொண்டவர்களை இது அதிகம் பாதிக்கும் .

உயர் அதிர்வெண் கேட்கும் இழப்பிற்கான காரணங்கள் ?

*வயது தொடர்பான இழப்பு ,இது பொதுவாக இரண்டு காதுகளையும் சமமாக பாதிக்கிறது.இதன் முதல் அறிகுறியாக சத்தமில்லாத சூழலில் பேச்சைப் புரிந்து கொள்வதில் ஏற்படும் சிரமம்.
*அதிக சத்தத்தை கேட்பதில் விளைவாக சேதம் ஏற்படலாம் .மேலும் ,துப்பாக்கிச் சூடு அல்லது வெடி சத்தம் , அல்லது 85 டெசிபல்களை விட சத்தம் தொடர்ந்து அதிகமாக கேட்பது ஆகியவை காலப்போக்கில் காது கேளாமையை ஏற்படுத்தும்.
*செவிப்புலன் ஆரோக்கியத்திற்கு தீங்கு விளைவிக்கக்கூடிய மருந்துப் பொருட்களை பயன்படுத்துவதன் மூலம் செவிப்புலன் இழப்பானது ஏற்படுகிறது .
*செவிப்புலன் இழப்பானது பல நோய்த் தொற்றின் காரணமாகவும் ஏற்படுகிறது .உள் காதைப் பாதிக்கக்கூடிய மீனியர்ஸ் நோய் பெரும்பாலும் 30-50 வயதிற்கு இடையில் நிகழ்கிறது.குழந்தைகளில் ஏற்படும் நாள்பட்ட ஓடிடிஸ் மீடியா காது கேளாமைக்கு வழிவகுக்கும்.
*காதிரைச்சல் மற்றும் வெர்டிகோ அல்லது தீவிர தலைச்சுற்றல் போன்ற காரணங்கள் செவிப்புலனை பாதிக்கும்.கடுமையான சந்தர்ப்பங்களில், குறைந்த அதிர்வெண் கேட்கும் இழப்பு ஏற்படுகிறது .