காதை(செவியை) பராமரிப்பது எப்படி ?

பொதுவாக ,இந்தியாவில் பிறக்கும் 1,000 குழந்தைகளில் சுமார் 8 குழந்தைகளுக்கு பிறவியிலேயே காது கேட்பதில்லை என்பதை ஒரு ஆய்வானது உறுதிசெய்துள்ளது.இந்த வகை குறைபாடுகள் கர்ப்பகாலத்தில் மருத்துவரின் பரிந்துரை இல்லாமல் வீரியமான மாத்திரைகளை தாய் உட்கொள்வதன் மூலமும் ,குழந்தைகளுக்கு ஏற்படும் மூளைக்காய்ச்சல் மற்றும் குறை எடையுடன் பிறப்பது ஆகியவை ஒரு காரணமாக அமைகிறது .

மேலும் ,காது கேளாமையானது வளரும் பருவத்தில் காதில் ஏற்படுகின்ற தொற்று ,அழற்சி போன்ற பலவகை காரணங்களால் ஏற்படுகிறது.எனவே காதின் முக்கியத்துவம் மற்றும் தீவிரத்தை உணர்ந்து முறையாக பராமரித்தல் நல்லது.காதை நல்முறையில் எப்படி பராமரிக்கலாம் என்பதை பற்றி விரிவாக காண்போம் .

காதை எப்படி பராமரிக்கலாம் ?

1. காது வலி, காது அடைப்பு, அல்லது காதிலிருந்து திரவம் வடிதல் போன்ற பிரச்சனைகள் இருக்கும் போது தலைக்கு குளிப்பது, நீர்நிலைகளில் நீராடுதல் போன்றவற்றை தவிர்ப்பது நல்லது.
2.காதில் பட்ஸ் ,குச்சி போன்ற பொருட்கள் நுழைப்பதை தவிர்த்தல் நல்லது .மேலும் காதில் எண்ணெய் விடுவதும்,தானாகவே காதை சுத்தம் செய்வதையும் தவிர்த்தல் நல்லது .
3. காதில் உள்ள குருத்தெலும்பு பகுதியில் காது குத்தினால் நோய் தொற்று ஏற்படுவதோடு காது பாதிப்படைவதற்கான வாய்ப்புகளும் உள்ளது.எனவே ,காது குத்தும் போது மென்மையான காது மடலில் மட்டுமே குத்த வேண்டும்.
4. பிறந்த குழந்தைகள் மூன்று மாதத்தில் இருந்து ஒரு வயது வரை சத்தம் செய்தால் திரும்பிப் பார்க்காமலோ ,பேச ஆரம்பிப்பதில் தாமதம் ஏற்பட்டாலோ உடனே காது,மூக்கு,தொண்டை மருத்துவரை அணுகுதல் நல்லது.
5. காதுக்குள் பூச்சி ஏதேனும் புகுந்து விட்டால் உப்பு நீரைக் காதில் விடுவதுதான் உடனடி முதல் உதவியாகும்.
6. தொடர்ந்து சத்தம் கேட்கும் தொழிற்சாலைகளில் பணிபுரிபவர்கள் காதுக்கு மாஸ்க் அல்லது காது அடைப்பானை பயன்படுத்துவது நல்லது.குறிப்பிட்ட கால இடைவெளிக்கு பின்னர் மருத்துவரை அணுகி காது பரிசோதனையை மேற்கொள்வது நல்லது .
7. சளி பிடித்திருக்கும்போது மூக்கைச் மிகப்பலமாக சீந்துவதை தவிர்க்க வேண்டும் . இவ்வாறு செய்தால் காதுக்கு வரும் ஆபத்தை எளிதில் தவிர்க்கலாம் .
8 .காது கேட்கும் திறன் குறைந்து போனால் ஆரம்பத்திலேயே ஒலிக் கருவியை பொருத்துவதன் மூலம் இயல்பான பேசும் திறன் பாதிக்கப்படாமல் பார்த்துக்கொள்ளலாம்.
9 .பரம்பரையாக காதுகேளாதோர் வழிவந்த குழந்தைகள்,நெருங்கிய ரத்த உறவுகளுக்குள் திருமணம் செய்து கொண்ட தம்பதியர்களுக்கு பிறக்கும் குழந்தைகள்,பிறந்த உடனேயே மஞ்சள் காமாலை மற்றும் மூளைக் காய்ச்சலால் தாக்கப்படும் குழந்தைகள் போன்ற காரணங்களால் காது கேளாமை ஏற்பட அதிக வாய்ப்புகள் உள்ளது.இதற்கு உடனடியாக காது மருத்துவர்களை அணுகி பிறவியிலேயே காது கேளாமைக்கு தீர்வு காண்பது நல்லது.

மலிவு விலையில் நவீன காது கேட்கும் கருவிகள் ?

கேட்டல் சோதனை என்றால் என்ன ?மற்றும் அதன் அறிகுறிகள் ?

காதை(செவியை) பராமரிப்பது எப்படி ?

காதை எப்படி பராமரிக்கலாம் ?

மேலும் அறிய

Related posts

செவித்திறன் எதனால் குறைகிறது ?

காதின் நலன் காக்க நாம் பின்பற்றவேண்டியவை?

வெளிப்புற காதுகளில் ஏற்படும் நோய்கள் என்னென்ன?