காது மடல் வீக்கம் மற்றும் அழற்சி ?

காது மடல்:

மனிதர்களின் காது மடலானது பல வகையான வித்தியாசங்களையும் ,மாறுபட்ட நிறத்தையும் கொண்டு காணப்படுகிறது .இது மனிதர்களுக்கு தனித்துவமான அழகை கொடுக்கிறது .

காது மடலானது குருத்தெலும்புகள் உள்ள மற்றும் அதனைச் சுற்றி சிறுதளவு கொழுப்பும் ,அதனை மூடிய மென்மையான சருமத்தையும் கொண்டு விளங்குகிறது .காது மடல்களில் பெண்கள் தோடுகள் மற்றும் அணிகலன்கள் அணிவது ஒரு வழக்கமாக இருந்தது ,ஆனால் தற்போது ஆண்களும் அதற்கு இணையாக இன்றைய காலகட்டத்தில் காது மடல்களில் தோடுகள் அணிந்து வருகிறாரகள்.

காது மடல்களில் அணிகலன்கள் மற்றும் ஆபரணங்களை அணிவதற்கு துளை(காது குத்தல்) அல்லது ஓட்டை ஒன்றை போடுகிறார்கள்.இந்த துவாரத்தை சுற்றி காது மடல்களில் பல்வேறு பிரச்சனைகள் வருகின்றன

காது மடல் வீக்கம் மற்றும் அழற்சி ஏற்படுவதற்கான காரணங்கள் ?

1 .காது மடல்களில் உள்ள ஓட்டையை சுற்றியுள்ள தோலில் அரிப்பு ,புண்,வீக்கம் போன்றவை ஏற்படும்.காதில் அணியும் அலங்காரத் தோடுகளால் தோலில் அழற்சியானது ஏற்படும் .இவை தங்க தோடுகளை காட்டிலும் அலங்காரத் தோடுகளில் அதிக அழற்சி ஏற்படுகிறது .
2 .சிலர் காதுப் பகுதியில் சோப்பு போட்டு முகத்தை நன்கு கழுவாமல் விடுவதாலும் அழற்சியானது ஏற்படுகிறது .
3 .சிலருக்கு காது துவாரமானது நாளடைவில் பெரிதாகி ,தோடு கழன்று விழும் அளவிற்கு ஓட்டை பெரிதாகிறது .
4 .காது மடல்களில் அணியும் தோடுகளாலும் ,ஒவ்வாமையாலும் அழற்சி ஏற்பட்டு,அதனால் புண்ணானது பெரிதாகி வீக்கமானது ஏற்படுகிறது .
5.காது மடல் பிரச்சனைகள் சிலருக்கு குழந்தை பருவத்திலேயே ஏற்படுகிறது ,அதாவது சதைகள் மடிப்புற்று காணப்படுவது .இது அவர்களுக்கு அழகை கெடுக்கும் வகையில் அமையக்கூடும் .


காது மடல்களில் ஏற்படும் துவாரத்தின் அளவை சிறிதாக்கவும்,ஓட்டையை அடைப்பதற்கும் இலகுவான சிகிச்சை முறைகளை கடைபிடிக்கலாம் .இதற்கு சத்திரசிகிச்சை முறை நல்ல பலனை அளிக்கும் . இந்த சிகிச்சையை சத்திர சிகிச்சை நிபுணர்களை கொண்டு செய்வதே சாலச் சிறந்தது .