செவியை பாதுகாக்க நாம் செய்யக்கூடியதும் ,செய்யக்கூடாததும் ?

செவியை பாதுகாக்க செய்யக்கூடாதவை :

1.காதுக்குள் குச்சியோ, பட்ஸ் போன்ற எந்தவொரு பொருள்களையும் உள்ளே விட்டு காதை சுத்தம் செய்ய கூடாது.(இயற்கையாகவே நம்முடைய காதில் வாக்ஸ் எனும் திரவம் சுரந்துகொண்டிருக்கிறது ,இது நம் காதிற்குள் சேரும் அழுக்குகளை தானாகவே வெளியேற்றுகிறது).

2.காதிற்குள் காய்ச்சிய எண்ணையை ஊற்றுவதை அறவே தவிர்த்தல் நல்லது .

3.காது வலி ஏற்பட்டால் மருத்துவரின் ஆலோசனையை பெறாமலே காது மருந்துகள் பயன்படுத்துவதை தவிர்க்க வேண்டும் .

4.காது குடைவதை முற்றிலுமாக தவிர்க்க வேண்டும் ,ஏனெனில் காது குடைவதன் மூலம் செவிப்பறை கிழிந்து போகும் அபாயம் நேரிடும் .

5.காதிலுள்ள உரோமங்களை சுத்தம் செய்வதையோ அல்லது வெட்டி எடுப்பதையோ தவிர்க்க வேண்டும் . (காதிலுள்ள உரோமங்கள் தூசி ,பூச்சி போன்ற அந்நிய பொருட்களை காதிற்குள் நுழைய விடாமல் தடுக்கின்றன.)

6.அதிக அளவில் வெளிவரும் சத்தத்தை (இடி ,பட்டாசு) கேட்பது ,அதிக சத்தம் வரும் தொழிற்சாலைகளில்(செவிப்பாதுகாப்பு அடைப்பான்களை பயன்படுத்துதல்) வேலைசெய்வது போன்றவற்றை தவிர்த்தல் நல்லது .

7.காது கேளாதவர்கள் மற்றவர்கள் பயன்படுத்தும் காது கருவியை பயன்படுத்தக் கூடாது .

8.மூக்கை வேகமாக சீந்துதலோ அல்லது தும்முவதோ கூடாது.(மூக்கை வேகமாக சீந்துவதின் மூலம் தொண்டையிலும் ,மூக்கிலும் உள்ள கிருமிகள் நடுச் செவிக்கு சென்று பாதிப்புக்குள்ளாக்கும் ).

9.காதில் இயர்போனை எப்போதும் மாட்டிக்கொள்ளுதல் மற்றும் அதிக சத்தத்தோடு பாட்டு கேட்பது போன்றவற்றை தவிர்த்தல் நல்லது .

10.காதுகளில் அழுக்கு சேர்ந்து விட்டால், தாமாகவே இயர் பட்ஸ் (ear buds) கொண்டு சுத்தம் செய்வதை தவிர்க்க வேண்டும் .